Qırmızı.az

Qafqaz Universitetinin Texnoparkında kurslar keçirilib

4 Dekabr 2015 18:36

Qafqaz Universitetinin Texnopark rezidenti “Agile Solutions” şirkəti tərəfindən universitetin könüllüləri üçün İnformasiya Texnologiyaları yönümlü danışıq kursu təşkil edib.

Universitetdən Publika.az-a verilən məlumata görə, tədbirdə IT mütəxəssisləri də iştirak edib.

Şirkət rəhbəri İlqar Əliyev Universitetin Texnopark rəhbərliyinə tədbirin keçirilməsinə göstərdiyi dəstək üçün təşəkkürünü bildirib və təqdimatlar barədə məlumat verib.

Əsas öhdəliyi layihə ilə bağlı vebsayt qurmaq olan komandalar müxtəlif aspektlərdən çıxış edərək fərqli ideyalar ərsəyə gətiriblər. Fəaliyyətə müxtəlif sahələr üzrə təhsil alan tələbələr cəlb olunub və tədbirin əsas məqsədi iştirakçıların komanda ilə işləmək bacarıqlarının təkmilləşdirilməsi olub.

Sonda iştirakçılar maraqlı oyun və fərqli təcrübəyə görə təşəkkürlərini bildiriblər.