Qırmızı.az
Bakıda bəzi nəqliyyat vasitələrinin hərəkətinə məhdudiyyətlər qoyulacaq
Bakıda günün işıqlı vaxtlarında qoşqulu və yarımqoşulu,
iriqabaritli və ya ağır çəkili avtomobillərin hərəkətinə
məhdudiyyətlər qoyulacaq.
Bu barədə Trend-ə Daxili İşlər
Nazirliyinin (DİN) Bakı şəhər Baş Polis İdarəsinin Dövlət Yol
Polisi İdarəsinin İctimai qurumlarla əlaqə bölməsinin rəisi, polis
polkovnik-leytenantı Vaqif Əsədov deyib.
Bölmə rəisi bildirib ki, Bakı şəhəri ərazisində hərəkətin
təhlükəsizliyinin təmin edilməsi, rahat, fasiləsiz hərəkətin
təşkili məqsədilə paytaxtın inzibati ərazisindəki yollar müayinə
edilərək müşahidələr və təhlillər aparılıb. Məlum olub ki, günün
işıqlı vaxtlarında qoşqulu və yarımqoşulu, iriqabaritli
avtomobillərin hərəkət etməsi yollarda sıxlığın yaranmasına, bəzən
də uzunmüddətli tıxacların baş verməsinə səbəb olur:
"Bu məqsədlə fiziki, hüquqi və vəzifəli şəxslərin nəzərə
çatdırılır ki, paytaxtın inzibati ərazisində bu tipli
avtomobillərin hərəkəti yalnız icazə verilmiş küçə və prospektlər
üzrə axşam saat 21:00-dan səhər 8:00-dək nəzərdə tutulub. Yol
infrastrukturunun inkişafı sahəsində tədbirlər planının tələbinə
uyğun olaraq, bu tipli avtomobillərin hərəkəti göstərilən saatlar
üzrə tənzimlənir. Ona görə də Bakı şəhər Baş Dövlət Yol Polisi
İdarəsi sürücülərin nəzərinə çatdırır ki, səhər saat 8:00-dan axşam
saat 21:00-dək qeyd edilən avtomobillərin paytaxtın inzibati
ərazisində hərəkətinə məhdudiyyətlər qoyulacaq. Ona görə də xahiş
edilir ki, gün ərzində paytaxt ərazisində sıxlığın yaranmaması, yol
qəza hadisələrinin baş verməməsi naminə belə avtomobillərdən yalnız
günün göstərilən vaxtında istifadə edilsin. Əks halda yol polisi
tərəfindən qanunvercilikdə nəzərdə tutulmuş qaydada cəza tədbirləri
görüləcək. Belə avtomobilləri olan fiziki, hüquqi və vəzifəli
şəxslərdən xahiş edilir ki, bu qadağanı nəzərə alaraq işlərini
əvvəlcədən planlaşdırsınlar".
Bölmə rəisinin sözlərinə görə, artıq yol polisləri tərəfindən bu
tipli avtomobillərin mütəmadi hərəkət etdiyi yollar nəzarətə
götürülüb: "Bunlar 20 Yanvar dairəsi, 3-cü Kənar dairəvi yol,
Bakı-Ələt yolu, Ziya Bünyadov, Mətbuat, Tbilisi, Babək, Nobel
prospektləri, Xırdalan-Biləcəri yolu, Mikayıl Əliyev küçəsi, eləcə
də digər küçə və prospektlərdir. Qeyd edilən yollarda yol polisi
tərəfindən əlavə tədbirlərin görülməsi nəzərdə tutulur".
V.Əsədov qeyd edib ki, bununla bağlı gömrük postlarına da müvafiq tapşırıqlar verilib. Yük avtomobilləri gömrük postuna daxil olandan sonra onların orada saxlanması üçün müvafiq şərait yaradılacaq.
-
MDB01:41
Qızılın ixrac rüsumu LƏĞV EDİLDİ - Bu ölkədə
-
Səhiyyə00:30
Xərçəng və ürək xəstəliklərindən qoruyan mutasiya KƏŞF EDİLDİ
-
Qoroskop00:05
Günün ULDUZ FALI: gününüz boz və maraqsız olacaq.
-
Səhiyyə2 May 21:48
Altı körpənin yanaraq ölməsində təqsirləndirilən xanıma yenidən VƏZİFƏ VERİLİR? - FOTO
-
Magazin22 May 21:00
Britni Spirs nəhayət ərindən BOŞANDI
-
Sosial2 May 20:36
Amin Musayev ilk dəfə əsir düşdüyü yerdə - VİDEO
-
Sosial2 May 19:00
Azərbaycanda ŞOK OLAY: kişi dostunun 14 yaşlı qızını qaçırdı, sonra...
-
Sosial2 May 18:36
Direktorla qadın müəllim arasında DAVA: müəllimin halı pisləşdi, təcili yardım gəldi - FOTO