Qırmızı.az
Azərbaycanda arvadının qulağını kəsən kişiyə hökm oxundu
Arvadına dəhşətli işgəncə verən Astara rayon sakini, 33 yaşlı Çingiz Mehdiyevin məhkəməsi başa çatıb.
Teleqraf.com xəbər verir ki, ittihama görə, bu il oktyabrın 1-də Astara rayonunun Kələdəhnə kəndində Çingiz Mehdiyev həyat yoldaşı, 28 yaşlı Nisə Xəlilovanın əl-qolunu bağlayaraq ona ağla gəlməyən işgəncələr verib.
Artupa kəndindən anadan olan Nisə Xəlilova 9 ilə yaxındır Kələdəhnə kəndində yaşayan Mehdiyevlər ailəsinə gəlin köçüb. Ömrünün son 3 ilini işgəncələr içində keçirən Nisə hadisədən 9 ay əvvəl ata evinə qayıdıb. Çingiz Mehdiyev ailələrinin dağıtmamaq bəhanəsi ilə onu geri qaytara bilib. Nisəni evə gətirən Çingiz onun əl-qolunu bağlayaraq başını qırxıb, qulaqlarını bıçaqla kəsib, bədənin müxtəlif nahiyələrinə çoxsaylı xəsarətlər yetirib. Sonuncu işgəncə faktının baş verməsinə səbəb Çingizin qumarda Nisə Xəlilovanın nişan üzüyünü uduzması olub. Çingiz evdə olan qızıl üzüyü apararkən Nisə buna müdaxilə edib. Verilən işgəncələrə dözməyən iki uşaq anası var gücü ilə bağlandığı otaqda qışqırmağa başlayıb.
Qonşular qızın atası Telman Xəlilova zəng edərək onu hadisədən xəbərdar ediblər. Atası gəldikdən sonra ciddi xəsarət alan qızını Astara rayon mərkəzi xəstəxanasına çatdırıb. Çingiz Mehdiyev hadisədən bir neçə gün sonra həbs edilib.
Hakim İsmayıl Abdurahmanlının sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə Çingiz Mehdiyev 6 il müddətinə azadlıqdan məhrum edilib.
-
Hadisə19:15
Bakı metrosunda sərnişin öldü
-
Kriminal18:36
İçki məclisi QANLA BİTDİ: Seyfullayev qətlə yetirildi
-
İdman18:24
Klopp və Salah arasında dava düşdü - VİDEO
-
Qoroskop17:18
Bürclər üçün gözlənilən xəbər: Önümüzdəki 4 ay boyunca...
-
Qarabağ 16:38
Sühməramlılar bu tarixə qədər Qarabağı tam tərk edəcək
-
Sosial15:57
Azərbaycanda özünün xəbəri olmadan “şirkəti” olanlar: Vətəndaşı necə aldadırlar?
-
Dünya15:44
Bu ölkə ukraynalı diversantlara təlim keçir: Rusiya sərhədini yaracaqlar
-
Hadisə15:17
Ali Məhkəmənin hakimi intihar etdi - Şok səbəb