• USD 1,7000 0,00% EUR 1,9912 -0,51%
    • GBP 2,3304 -0,68% RUB 0,0232 -0,86%

Putinlə Əsəd arasındakı görüşün DETALLARI AÇIQLANDI

  • Region
  • 14 Sentyabr 2021 10:12
Putinlə Əsəd arasındakı görüşün DETALLARI AÇIQLANDI

Suriyadakı qeyri-qanuni xarici silahlı qüvvələr ölkənin sabitlik yolu ilə irəliləməsinə imkan vermir.

Publika.az xəbər verir ki, bu sözləri Rusiya Prezidenti Vladimir Putin suriyalı həmkarı Bəşər Əsədlə görüşdə deyib.

Rusiya lideri bildirib ki, əsas problem xarici silahlı qüvvələrin BMT-nin qərarı olmadan Suriyada yerləşdirilməsidir: “Bu, beynəlxalq hüquqa açıq şəkildə ziddir. Bu qüvvələr sizin tələbiniz olmadan ölkənin müəyyən ərazilərində yerləşib. Bu isə ölkəni yenidən ayağa qaldırmaq üçün maksimum səy göstərmək, bütün ərazinin mümkün olacaq sürətdə qanuni hökumət tərəfindən nəzarət altına alınmasını təmin etmək və bu şəkildə irəliləmək yolunda əngəldir”.

V.Putin Bəşər Əsədlə görüşdə qeyd edib ki, Rusiya və Suriyanın birgə səyləri terrorçulara zərbə vurub, Suriya hökuməti ölkə ərazisinin 90 faizdən çoxuna nəzarət edir.

Rusiya lideri həmçinin Əsədin dialoq qurmaq üçün çox iş gördüyünü bildirib və bu prosesin davam edəcəyinə ümid etdiyini əlavə edib: “Bilirəm ki, bunun üçün çox şey edirsiniz, o cümlədən siyasi rəqiblərinizlə dialoq qurursunuz. Ümid edirəm ki, bu proses davam edəcək”.

Qeyd edək ki, Vladimir Putinlə Bəşər Əsədin görüşü Kremldə baş tutub.

Akqabay

Halal Nemət

Xəbər lenti

DAHA ÇOX XƏBƏR