Region

Bu, ABŞ üçün faydalı, Avropaya isə pisdir - Siluanov

25 Dekabr 2022 12:03

Rusiyanın maliyyə naziri Anton Siluanov Rusiya Federasiyasına qarşı tətbiq edilən sanksiyaların Avropa üçün kifayət qədər baha başa gəldiyini və yalnız ABŞ üçün faydalı olduğunu bildirib.

Publika.az xəbər verir ki, bu barədə nazir “Asharq News”-a müsahibəsində deyib.

“Əslində, nə oldu? Amerikalıların həyata keçirmək istədikləri baş verdi - onların Avropa bazarına neft və qaz tədarükü artdı. Bəs Avropa üçün nəyin bahasına? İnflyasiyanı artırmaq və Avropa müəssisələrinin rəqabət qabiliyyətini azaltmaq bahasına”, - rusiyalı nazir bildirib.

Onun sözlərinə görə, bütün amillər və şərait Amerika tərəfinin Avropaya daha bahalı qaz tədarük etməyə başlamasına səbəb olub.

“Şimal axını”nda baş verən partlayışlar, eyni zamanda bütün bu sanksiyalar daha baha olan maye qazın ABŞ-dan tədarükü üçün edilib. ABŞ-a yaxşı, Avropaya pisdir”- Siluanov vurğulayıb.