Türk siyasətçidən şok iddia: Zəlzələni onlar törədib! - VİDEO

14:45

Ankaranın keçmiş meri Melih Gökçek Türkiyədə baş verən dağıdıcı zəlzələnin “ABŞ və İsrailin işi” olduğu versiyasını irəli sürüb.

Publika.az xəbər verir ki, siyasətçi İstanbulda da zəlzələ ola biləcəyini qeyd edib:

“Mən bunu əminliklə deyirəm. İstanbulda zəlzələ ola bilər, xüsusən də bəzi ölkələrin araşdırmaları var, zəlzələ üçün onların vasitələri var, onları “Tesla” adlandırırlar”.

Melih Gökçek bildirib: “Türkiyə çevrilişə cəhddən sağ çıxdı. Türkiyə artıq çevrilişlə məhv edilə bilməz. Onların yeni üsulları var. Bu, beynəlxalq güclərin oyunudur. Mərmərədə xarici seysmik tədqiqat gəmisi, Amerika və İsrail gəmiləri açıq şəkildə gəzməməlidir. Qırılma xəttində yığılan enerjinin aktivləşdirilməsi, qazların mümkün yığılması... Zəlzələ baş verə bilər. Bunun ən bariz nümunəsi Gölcük zəlzələsidir”.

Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonu olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub. Güclü yeraltı təkanlardan sonra bölgədə 6,6 maqnitudayadək yüzlərlə afterşoklar baş verib. Təbii fəlakət Türkiyə və Suriyada böyük dağıntı və minlərlə itkilərə yol açıb.

Akqabay