Region

Paşinyan Papa ilə nəyi müzakirə edib?

18 Noyabr 2024 17:21

Ermənistanın baş naziri Nikol Paşinyan Müqəddəs Taxt-taca işgüzar səfəri çərçivəsində Roma Papası Fransisk ilə təkbətək söhbət edib.

Publika.az xəbər verir ki, Paşinyan görüşə görə təşəkkür edib və Apostol sarayında ilk dəfə olmağın onun üçün böyük şərəf olduğunu qeyd edib.

Baş nazirinin sözlərinə görə, ən yüksək səviyyədə davam edən qarşılıqlı səfərlər Ermənistan və Müqəddəs Taxt-Tac arasında xüsusi dövlətlərarası münasibətləri sənədləşdirməyə yönəlib. Nikol Paşinyan Apostol nunsisinin Ermənistanda rezident təyin edilməsindən danışıb.

Nikol Paşinyan Papaya Azərbaycan-Ermənistan sülh prosesindəki son hadisələr haqqında məlumat verib.

Həmsöhbətlər qarşılıqlı maraq doğuran digər məsələləri də müzakirə ediblər.

Papa Fransisk təkbətək söhbətdən sonra baş nazirin həyat yoldaşı Anna Akopyan, qızı və baş naziri müşayiət edən nümayəndə heyətinin üzvlərini qarşılayıb.

Adəm Abbaslı