Region

Ermənistanda rusları güllələdilər

16 Oktyabr 2025 16:47

Ermənistanda istirahət edən Rostov-na-Donuldan olan evli cütlük silahlı hücum nəticəsində qətlə yetirilib.

Publika.az xəbər verir ki, hadisə barədə məlumatı “Shot” “Telegram” kanalı yayıb.

Bildirilib ki, 44 yaşlı Marina Ayrapetyan və 46 yaşlı əri Kotayk rayonunda, Zovaşen kəndi yaxınlığında “Audi” markalı avtomobilləri ilə dayanıblar. Bu zaman silahlı şəxs onlara yaxınlaşaraq avtomobilin açarlarını tələb edib. Cütlük imtina etdikdə, o, ov tüfəngi ilə atəş açıb.

Onların cəsədləri yaxınlıqdakı "besedka"da tapılıb. Cinayətkar isə avtomobili götürərək hadisə yerindən qaçıb.

Bir gün sonra cütlüyün yaxınları onların itməsini polisə xəbər verib. Axtarışlar nəticəsində 61 yaşlı şübhəli həmin “Audi”də və üzərində silahla birlikdə saxlanılıb. Araşdırma zamanı müəyyən olunub ki, o, bundan əvvəl də Aramus kəndində daha bir evli cütlüyü güllələyib.

Həlak olanların cəsədləri artıq Rostov-na-Donuya aparılıb.

Adəm