Türkiyə XİN-dən ŞKTR AÇIQLAMASI

Türkiyə Xarici İşlər Nazirliyi, Şimali Kipr Türk Respublikasında (ŞKTR) keçirilən prezident seçkilərində qeyri-rəsmi nəticələrə əsasən qalib gələn Cümhuriyyətçi Türk Partiyasının başqanı Tufan Erhürmanı təbrik edib.

Publika.az xəbər verir ki, bu barədə nazirliyin yaydığı açıqlamada bildirilir.

Açıqlamada qeyd olunub ki, bu gün ŞKTR-də keçirilən prezident seçkiləri sakit və nizamlı şəkildə başa çatıb.

“Qeyri-rəsmi nəticələrə əsasən seçkiləri qazanan Cümhuriyyətçi Türk Partiyasının başqanı cənab Tufan Erhürmanı təbrik edirik” – açıqlamada qeyd edilib.

Həmçinin vurğulanıb ki, bu seçkilər Kıbrıs türklərinin azad və suveren iradəsini, eləcə də ŞKTR-dəki dövlət ənənəsini və demokratiya mədəniyyətini əks etdirir.

Seçkilərin Kıbrıs Türk xalqına və bütün ada üçün xeyirli olması arzu edilərək bildirilib:

“Ana vətən və zamin Türkiyə, tarixi, hüquqi və insani məsuliyyətləri çərçivəsində və adanın reallıqlarına uyğun şəkildə, Kıbrıs türk xalqının əmin-amanlığına, rifahına və inkişafına yönəlmiş səylərə töhfə verməyə davam edəcək”

Hüseyn İbadlı