Prezident Samir Şərifova yeni vəzifə verdi

Prezident İlham Əliyev Azərbaycan Respublikası və Qazaxıstan Respublikası arasında ticarət-iqtisadi əməkdaşlıq üzrə birgə hökumətlərarası komissiyanın Azərbaycan üzrə yeni tərkibinin təsdiq edilməsi haqqında Sərəncamda dəyişiklik edib.

Publika.az xəbər verir ki, Sərəncama əsasən, komissiyanın rəhbərliyində və tərkibində kadr dəyişiklikləri aparılıb.

Dəyişikliyə görə, komissiyanın sədri qismində "Azərbaycan Respublikasının energetika naziri" sözləri "Samir Şərifov – Azərbaycan Respublikası Baş nazirinin müavini" sözləri ilə əvəz edilib.

Komissiyanın tərkibinə aşağıdakı yeni vəzifəli şəxslər daxil edilib:

Azərbaycan Respublikası energetika nazirinin müavini;

Azərbaycan Respublikası ekologiya və təbii sərvətlər nazirinin müavini;

Azərbaycan Respublikası Nazirlər Kabineti Aparatının Beynəlxalq əməkdaşlıq şöbəsinin müdiri.

Sərəncamda, həmçinin Azərbaycan Respublikasının Xarici İşlər Nazirliyinə tapşırılıb ki, komissiyanın tərkibində edilən bu dəyişikliklər barədə Qazaxıstan Respublikası tərəfinə müvafiq bildiriş göndərilsin.