Bu yazı hamınızı sərinlədəcək - FOTOLAR

Bu yay əvvəlki illərlə müqayisədə daha sərin keçsə də, yola çıxanda isti hava istər-istəməz hamıya pis təsir edir. İstiyə dözməyin ən asan yolu kondisionerli otaqdan bayıra çıxmamaqdır. Aydın məsələdir ki, bütün yayı 4 divar arasında keçirmək mümkün deyil.

Publika.az yayı problemsiz və sərin keçirməyin yollarını izah edib.

1. Nanə spreyi istifadə edin

Nanə yarpaqlarını suya töküb qaynadın. Soyuduqdan sonra suyu flakona süzüb onu bir gecə soyuducuda saxlayın. İsti olan kimi flakonu üzünüzə və bədəninizə sıxın. Bu sprey bədənə soyuducu effekti verəcək. Üstəlik, dəri tonunu balanslaşdırıb ona tərəvət verəcək.

2. Xrizantema çayı

Bizim üçün qəribə səslənsə də, bu ekzotik içki bir neçə əsr əvvəl çin təbabətində bədənin hərarətini endirmək üçün tətbiq edilirdi.

3. Yoqa nəfəsi

Yoqa nəfəs texnikası da isti ilə mübarizədə effektli üsullardan biridir. Bunun üçün dilinizi heç olmasa bir neçə dəqiqə şəkildəki kimi saxlayın, dərindən nəfəs alın, nəfəsini saxlayın və burnundan nəfəs verin.

4. Buzlu yuxu

Hərfi mənada deyil. Lakin aşağıdakı üsulla istidən xilas olmaq mümkündür. Plastik paketləri gellə doldurub donması üçün soyuducuya yerləşdirin. "Soyutma yastıqları" boyunun arxasına və ayaqların altına qoyun. “Soyutma yastıqların” yerinə, alternativ kimi içi düyü ilə dolıdurulmuş corab da istifadə etmək olar. Təbii ki, soyuq.

5. Sərinkeş

Bəşəriyyətin ən böyük kəşflərindən biri də kondisionerdir. Lakin bəzən büdcəmiz bütün otaqları bu cihazla təmin etməyə imkan vermir. Ümid edirik ki, heç olmasa hər otaqda sərinkeş tapılar. Çox soyuq suyu sərinkeşin önünə qoyub qurğunu işə salın və sərin küləkdən zövq alın.

6. Aloe (Əzvay)

İsti havada dərini nəmləndirmək üçün ən yaxşı vasitə əzvay bitkisidir.

7. Acılı qida

İsti havada bədənə istilik gətirən bu qidanı niyə yeyək ki? Məsələ ondadır ki, bəzi diyetoloqlar və qeyri-ənənəvi təbabətin tərəfdarları əmindirlər ki, kəskin dadlı qida qan dövranı sürətləndirir və sizi daha çox su içməyə vadar edir. Dolayısı ilə tər bədənə sərinlik gətirir.

8. Nəbz nöqtələri

Nəbz nöqtələrinə: dirsəklərə, biləklərə və ya dizlərin altına soyuq su ilə doldurulmuş plastik butulka qoyun. Bu xüsusi metod bədənə xoş sərinlik bəxş edəcək.

9. Soyuq yataq

Biz bütün cütlüklərə isti yataq arzulayırıq. Lakin bürküdən əziyyət çəkməmək üçün gündüzlər yataq üzlərini soyuducuda saxlayın.

10. Soyuq duş

Soyuq duş köhnə sınanmış, amma çox effektli üsuldur.

Aytən