Bu duş dərinin erkən yaşlanmasına səbəb olur

Daimi isti vannalar dərinin quruluğunun artmasına səbəb olur ki, sonradan qəbul edilən soyuq duşlar hər kəsə fayda verməyəcək.

Publika.az xəbər verir ki, bu barədə məşhur dermatoveneroloq Yuliya Andreanova məlumat verib.

“Üşüyürüksə, soyuqdəymənin qarşısını almaq üçün mütləq isti vanna qəbul etmək lazımdır. Ancaq müntəzəm isti vannalar dərinin qurumasına, soyulmasına, hətta dərinin erkən yaşlanmasına səbəb ola bilər.

Soyuq duşlar isə idmanla məşğul olan və yaxşı immunitetə malik insanlara fayda verəcək, həmçinin soyuqdəymənin qarşısını alacaq. Ancaq bundan da sui-istifadə etməməlisiniz: dəridə quruluq və qızartı yaradır. Ən faydalı və ən təhlükəsizi bəzən xüsusi vasitələr olmadan qəbul edilə bilən ilıq duşdur”, - həkim xəbərdarlıq edib.

Kosmetoloq Polina Kolçeva isə makiyajdan sonra üz dərisinə qulluq haqqında məsləhətlər verib. O, yatmazdan əvvəl makiyajı yumağı və gecə yüngül krem çəkməyi tövsiyə edib:

“Lakin xatırlamaq lazımdır ki, dəri çox tez-tez qulluğu da bağışlamır, çünki o, özünü həddindən artıq qurumadan qoruyan, dərinin prebiotasını normal vəziyyətdə saxlamağa kömək edən və pH-nı tənzimləyən öz normal sebumunu istehsal edir”.

Kolçeva əlavə edib ki, çox əsaslı yuyulmadıqda dəridə sızanaq kimi səpgilər görünə bilər: “Bununla belə, bu simptom digər səbəblərdən, o cümlədən qeyri-sağlam həyat tərzi və ya hormonal pozğunluqlar nəticəsində də özünü göstərir. Yalnız həkim onun əsas səbəbini təyin edə və ondan qurtulmağa yardımçı ola bilər”.

Mütəxəssis bildirib ki, istisna hallar olmaqla, gün ərzində dəriyə əlavə qulluq etmək lazım deyil. Bəzi insanlar isti mövsümdə özünü təravətləndirmək üçün müxtəlif mikroelementlərlə zənginləşdirilmiş termal sudan istifadə edir, lakin bəzi su növləri tərkibində duz olduğuna görə dəridən nəmi uzaqlaşdırır.

Kolçeva əlavə edib ki, misel su ilə yuyulduqdan sonra onu lasion və ya su ilə zərərsizləşdirməlisiniz. O, suya davamlı makiyajı bu məhsulla yumağı, sonra isə üzü toniklə silməyi tövsiyə edib.