Bu məhsullar qarnınızı, fiquranız isə görənləri yandıracaq - Video

Təbiətdə bədəndə istilik əmələ gətirən maddələr var. Onlara termogenik deyilir. Onlar maddələr mübadiləsini sürətləndirməyə, yəni yağ yandırma effekti yarada və sinir sistemini aktivləşdirməyə qadirdirlər.

Publika.az xəbər verir ki, bu sözləri diyetoloq, terapevt, Rusiya Nutritionistlər, Dietoloqlar və Qida Sənayesi Mütəxəssisləri İttifaqının üzvü Aleksandra Razarenova deyib.

O, izah edib ki, bu xüsusiyyətlərə malik qidalar mütləq gündəlik rasiona daxil edilməlidir.

"Acı bibərdə kapsaisin, qara bibərdə piperin var. Sitrus meyvələrinin qabığında sinefrin var. Təbii termogeniklərə həmçinin kofein və epiqallokateşin daxildir, onların unikal birləşməsini yaşıl çayda da tapmaq olar. Zəncəfil, darçın, zirə, xardal, sarımsaq, şüyüd, cəfəri, reyhan, rozmarin, bal, kətan toxumu da termogeniklər kateqoriyasına aiddir”, - Razarenova "Sputnik" radiosuna müsahibəsində bildirib.

Həkim qeyd edib ki, bu cür qidalar kəskin respirator virus infeksiyası olan xəstələrə kömək edə bilər, lakin mədə-bağırsaq traktının xəstəliklərindən əziyyət çəkənlərə ehtiyatla yanaşmaq lazımdır. Soyuq havaya çıxmazdan əvvəl termogenik tərkibli qidaları yeməmək tövsiyə olunur: onlar həddindən artıq tərləməyə səbəb ola bilər. Ancaq bu təsir soyuqdəyməyə kömək edəcək: zəncəfil və ya ballı içkilər insanı tərlədir, bundan sonra bədən soyuyacaq və temperatur aşağı düşməyə başlayacaq. Razarenovaya görə, bu cür xüsusiyyətlər bir çox qidalara aiddir. Söhbət sənaye emalından keçməmiş, kimyəvi qatqıları olmayan məhsullardan gedir.

"Bütün qida qrupları bu təsirə malikdir, çünki həzm zamanı enerji ayrılır və bununla da istiliyi təmin edir və saxlayır. Ona görə də balıq, toyuq əti, ət, yumurta, eləcə də tam taxıl, qoz-fındıq, bir sıra tərəvəz və meyvələrin termogeniklər kateqoriyasına aid edilməsi çox doğru olardı”, - Razarenova yekunda vurğulayıb.

Aytən Məftun