Artıq çəkinin daha bir fəsadı: Arıq uşaqlar köklərlə müqayisədə...

Artıq çəkili uşaqlar arıq yaşıdlarından daha az intellektli olurlar. Bundan başqa, birincilərin depressiyaya düşmə riski daha çoxdur.

Publika.az xəbər verir ki, Sent-Luisdəki Vaşinqton Universitetinin alimləri araşdırma nəticəsində bu qənaətə gəliblər.

Alimlər 9-11 yaş arası 2500-dən çox qız və 2700 oğlanın zehni qabiliyyətlərini xüsusi intellekt testlərin köməkliyi ilə təhlil ediblər. Tədqiqat zamanı subyektlərin lüğət tərkibi və təfəkkürünün məntiqi qiymətləndirilib.

Tədqiqatın başlanmasından iki il sonra tədqiqatçılar müəyyən ediblər ki, tapşırıqları daha pis yerinə yetirən uşaqların bədən kütləsi indeksi orta hesabla 0,012 (1,6%) yüksək olub. Artıq çəkisi olan uşaqlarda depressiya əlamətlərinin daha çox olduğu üzə çıxıb.

Tədqiqatçıların sözlərinə görə, qeyri-sağlam qidalanma oturaq həyat tərzi ilə birlikdə uşaqlarda inkişaf problemlərinə, o cümlədən prefrontal korteksin fəaliyyətində arzuolunmaz dəyişikliklərə və iş yaddaşında çatışmazlıqlara səbəb olur.

Cəmilə