İstidə dondurma yemək təhlükəlidir: Həkim xəbərdarlıq etdi

İsti havalarda dondurma yeyəndə temperaturun düşməsi və selikli qişanın hipotermiyası baş verir ki, bu da vazospazma gətirib çıxarır. Bu barədə məşhur bioloq Aleksandr Sozıkin məlumat verib.

Publika.az xəbər verir ki, mütəxəssis isti havalarda dondurmadan çox istifadə etməkdən çəkinməyin səbəblərini açıqlayıb.

Bioloq qeyd edib ki, ağızda həmişə fürsətçi mikroflora var, bu, normal şəraitdə insanlar üçün təhlükəli deyil, çünki immun hüceyrələr onun nəzarətsiz çoxalmasına mane olur.

Lakin immun hüceyrələrin fəaliyyətinin azalması səbəbindən özünü "əlverişli" bir mühitdə tapan bu patogen mikroflorası tez çoxalmağa başlayır və dərhal selikli qişadan qan, limfa və bədən toxumalarına aqressiv şəkildə nüfuz edir. Bu da öz növbəsində müxtəlif xəstəliklərə səbəb olur.

Mütəxəssisin sözlərinə görə, həddindən artıq istidə dondurma yeməyin daha bir xoşagəlməz nəticəsi ola bilər. Yuxarı damağın kəskin soyuması sinir reseptorlarının qıcıqlanmasına və beyində qan damarlarının spazmasına səbəb ola bilər ki, bu da şiddətli baş ağrılarına gətirib çıxarır.

Cəmilə