Keyfiyyətli dondurmanı necə seçmək olar?

Dondurma seçərkən təkcə dadına deyil, hazırlandığı inqrediyentlərin keyfiyyətinə də fikir vermək lazımdır.

Publika.az xəbər verir ki, Rusiya Aşpazlar Assosiasiyasının üzvü Anatoli Kryukov NEWS.RU saytına təbii tərkibli dondurma seçiminin vacibliyindən danışıb .

Dondurma seçərkən əsas məqamlardan biri məhsulun tərkibidir. Süd yağı əvəzedicilərinin, qida əlavələrinin və bitki tərkibli maddələrin olması istehsalçının xərcləri azaltmaq istəyini göstərə bilər. Dondurmanın tərkibi nə qədər təbii olarsa, keyfiyyəti də bir o qədər yüksək olar.

Yüksək keyfiyyətli məhsulun tərkibində konservantlar, boyalar və ya ləzzətlər olmamalıdır. Ən zərərli boyalar bunlardır: E 433, E 466, E 407. Amma dondurmanın tərkibində olan stabilizatorlar və emulqatorlar sizi qorxutmamalıdır.

Təbii dondurma 5-10 dəqiqədən sonra əriməyə başlayır və birdən dondurmada köpük və ya su görsəniz narahat olmağa dəyməz. Çünki təbbi olmayan dondirma uzun müddət öz formasını saxlayır və ərimir. Sonra buz əriyir, lakin bitki yağı qalır.

Qastroenteroloq-dietoloq Nuriyyə Dianova isə dondurmanın düzgün saxlanması ilə bağlı məsləhətlər verib. Mütəxəssis qeyd edib ki, xəstəlik riskinin qarşısını almaq üçün məhsulu bir aydan çox olmayaraq saxlamaq lazımdır. Uşaqlar, hamilə qadınlar və immun sistemi zəif olan insanlar üçün dondurmanın saxlanması qaydalarına riayət etmək xüsusilə vacibdir.

Beləliklə, dondurma seçərkən, yayın ləzzətini təhlükəsiz və sağlamlığa faydası ilə dadmaq üçün tərkibinə, qiymətinə, son istifadə tarixinə və istehsalçısına mürtləq şəkildə diqqət yetirin.

Cəmilə