Yetişməmiş limon və portağal: İnanılmaz faydası var

Alimlər müəyyən ediblər ki, ən çox C vitamini tam yetişmiş limon və portağallarda deyil, yetişməmiş meyvələrdə olur.

Publika.az xəbər verir ki, bu barədə “Daily Mail” jurnalı yazıb.

Üstəlik, portağal və limon meyvələri yetişdikcə və tərkibindəki şəkər artdıqca, C vitamininin miqdarı nisbətən azalmağa başlayır. Mütəxəssislər qeyd edirlər ki, C vitamini orqanizmin hüceyrələrini oksigen stresi adlanan xüsusi növ oksigenin zərərli təsirindən qoruyur, dərinin, sümüklərin sağlamlığının qorunmasında, yaraların və çapıqların tez sağalmasında iştirak edir. Portağal, limon, naringi və digər sitrus meyvələri C vitamini ilə zəngindir.

Alimlər qeyd edirlər ki, meyvənin yetişməsi onların tərkibindəki vitaminlərin və digər faydalı maddələrin tərkibinə təsir edir, eyni zamanda onun necə saxlanması və ya necə hazırlanması da çox vacibdir. Tərkibində C vitamini olan qidaları adətən çiy yeyilir və ya buxarda bişirmək məsləhət görülür. Bu, onlara tərkibindəki faydalı maddələrin əksəriyyətini saxlamağa kömək edəcək. C vitamini suda tez həll olunur.

Tural