Ərzaq mağazasında yararsız kolbasa məhsulları aşkarlandı
Bizi izləyin

Sağlamlıq

Ərzaq mağazasında yararsız kolbasa məhsulları aşkarlandı

Ərzaq mağazasında yararsız kolbasa məhsulları aşkarlandı

Naxçıvan Muxtar Respublikası Qida Təhlükəsizliyi Agentliyi tərəfindən Babək rayonunun Badaşqan kəndində fəaliyyət göstərən ərzaq mağazasında plandankənar yoxlama həyata keçirilib.

Agentlikdən Publika.az-a bildirilib ki, yoxlama zamanı qida təhlükəsizliyi sahəsində normativ-hüquqi aktların, sanitariya norma və qaydalarının tələblərinin pozulduğu müəyyən edilib. Belə ki, bəzi qida məhsullarının mağazanın xaricində birbaşa günəş şüaları təsiri altında saxlanıldığı, bir ədəd “Bizim dana” və 9 ədəd “Ovçular” əmtəə nişanlı yarımhisə verilmiş kolbasa məhsullarının yararlıq müddətinin bitdiyi, işçilərin dövri tibbi müayinədən keçmədiyi aşkarlanıb.

Aşkar olunan uyğunsuzluqlarla bağlı mağaza rəhbərliyi barəsində İnzibati Xətalar Məcəlləsinin müvafiq maddələri ilə inzibati xəta haqqında protokol tərtib olunub və məhdudlaşdırıcı tədbirlərin tətbiqi ilə bağlı qərar qəbul edilib.

Photo
Oxumağa davam et
Reklam
Reklam

Gündəm

Zəfaran Hospital
Səba