Xərçəng yaradan zombi virusu alimləri təşvişə saldı: görün nələrə səbəb olur

Qədim retroviruslar elmə çoxdan məlumdur və onların qalıqları bu və ya digər şəkildə yüz minlərlə il ərzində insan orqanizmində qalmağa davam edir. Lakin son araşdırmalar göstərib ki, bu qalıqlar ümumiyyətlə genetik tullantı sayıla bilməz. Onlar son dərəcə məkrli təxribatçılar kimi çıxış edirlər.

Publika.az xəbər verir ki, alimlər müəyyən ediblər ki, köhnə virus DNT-sinin qalıqları müasir insanlarda xərçəngin yaranmasında mühüm rol oynayır.

Tədqiqatlar nəticəsində məlum olub ki, endogen retroviruslar (ERV) kimi tanınan və əvvəllər hərəkətsiz olduğu düşünülən qədim zombi viruslarının qalıqları xərçəng hüceyrələrində yenidən aktivləşə bilir.

Alimlərin fikrincə, bu, onların bu gün də xəstəliklərə təsirini davam etdirdiyini göstərir. Mütəxəssislər bildirirlər ki, bu kəşf insan biologiyasının indiyə qədər çox az məlum olan bir çox aspektlərinə işıq salır. Eyni zamanda xərçəng kimi ciddi bir xəstəlik haqqında bir qədər yaxşı başa düşülməyə imkan verir.

Bundan əlavə, araşdırmalara görə, endogen retroviruslar uzun müddət ərzində insanın immun sisteminə təsir göstərir. Onlar bəzən bədənimizi digər virusların yaratdığı infeksiyalardan qoruya bilirlər. Alimlər qeyd edirlər ki, bu, həm də insan biologiyasının və təkamül tarixinin öyrənilməsi üçün maraqlı bir cəhətdir.

Adəm Abbaslı