Keçi südü için, hər yerə dırmaşın - Alimlər onun tərkibində elə şeylər tapdı ki...

Heyvanlardan üç heyvan var, üçünün də südü içməli. Biri inək, biri qoyun, biri keçi. Bunların hər birinin südünün həm özünəməxsus dadı, həm də şəfaverici xüsusiyyətləri var. Amma keçinin həm əti, həm də südü olduqca faydalıdır.

Publika.az xəbər verir ki, hindistanlı alimlər keçi südü ilə bağlı tədqiqat aparıblar. Hindistanın Racastan əyalətinin Kənd Təsərrüfatı və Texnologiya Universitetinin mütəxəssislərinin apardığı tədqiqatın nəticələri "African Journal of Biological Sciences" jurnalında dərc olunub.

Mütəxəsislər deyir ki, keçi südünün qidalı tərkibini araşdırıb və bu məhsulun sağlamlığa necə təsir etdiyini öyrəniblər. Onların fikrincə, keçi südü məhsullarının əsas faydalarından biri mədə-bağırsaq sağlamlığını yaxşılaşdırmaqdır. Bu, içkinin tərkibində bağırsağın fəaliyyətini yaxşılaşdırmağa kömək edən probiotik bakteriyalar, asanlıqla həzm olunan zülallar və yağların olması ilə bağlıdır.

Maraqlıdır ki, keçi südü laktoza dözümsüzlüyü üçün də faydalıdır. O, qarın ağrısı və şişkinliyi azaldır.

Bundan əlavə, hazırkı araşdırmalara görə, məhsul həmçinin iltihablı bağırsaq xəstəliyi və irritabl bağırsaq sindromunun simptomlarını aradan qaldıra, həmçinin qan şəkərinin səviyyəsini normallaşdıra, dəri və sümük sağlamlığını yaxşılaşdıra bilər.

Adəm Abbaslı