Həkimdən xəbərdarlıq - İmmunitetinizi öldürə bilər!

Zərərli vərdişlər ikiqat zərərlidir, çünki onlar nəinki spesifik xəstəliklərə səbəb olur, həm də immunitet sistemini öldürür. Alkoqol və tütün bədənimiz üçün zəhər sayılır, bədən mənfi təsirləri aradan qaldırmaq və dəymiş zərəri kompensasiya etmək üçün bütün resursları işə salır.

Publika.az xəbər verir ki, bu barədə “Moskva 24” telekanalına müsahibəsində həkim Nadejda Çernışova danışıb.

O, həmçinin hər hansı bir xəstəliyin inkişafına və ya kəskinləşməsinə səbəb olan vərdişlərdən də söz açıb. Başqa sözlə, stress insan sağlamlığını korlayır.

"Yuxusuzluq da immun sisteminə mənfi təsir göstərir. Təbii ki, norma hər bir insan üçün fərqlidir, lakin yadda saxlamaq lazımdır ki, yuxusuzluq nəticəsində orqanizmə yük artır və xəstələnmə riski artır. Oyandıqdan sonra insanın özünü necə hiss etdiyinə diqqət yetirmək lazımdır. Əgər şən və gümrahsınızsa, deməli hər şey yaxşıdır. Əgər insan bir fincan qəhvədən əvvəl özünə gələ bilmirsə, bu o deməkdir ki, kifayət qədər yuxu yatmamısınız və gecələr daha tez yatmaq lazımdır", - ekspert vurğulayıb.