Bu qidalar ömrü uzadır

Dietoloq Melissa Caqer uzunömürlü olmaq və ürəyin sağlamlığını qorumağın yollarını açıqlayıb.

Publika.az Daily Mirror-a istinadən xəbər verir ki, dietoloqun sözlərinə görə, sağlamlığını düşünənlər ilk növbədə omeqa-3 yağ turşuları ilə zəngin qidaları qida rasionuna daxil etməlidirlər. Bunlar qoz, badam, püstə və ya çia toxumu ola bilər. Mütəxəssisin sözlərinə görə, qoz-fındıq, çia və ya kətən toxumları ürəyin fəaliyyətini saxlamağa kömək edir.

Caqer həmçinin yüksək lif tərkibinə görə bağırsaq funksiyasını yaxşılaşdırmağa və çəkiyə nəzarət etməyə kömək edən yulaf sıyığı yeməyi təşviq edib. Diyetoloq bildirib ki, ən yaxşısı sadə, minimal işlənmiş, şəkər əlavə edilməmiş yulaf sıyığıdır. O, quru lobya və meyvələri başqa bir yaxşı lif mənbəyi adlandırıb. Onun fikrincə, birinci variant çipslərə sağlam alternativ ola bilər: paxlanın tərkibində zülal ilə orqanizmə lazım olan digər maddələr var. Caqer hesab edir ki, qurudulmuş meyvələr də sağlam pəhrizin bir hissəsi ola bilər. Bununla belə, o, şəkər əlavə edilməyən qurudulmuş meyvələrin seçilməsinin vacib olduğunu əlavə edib.

Mütəxəssis ürəyə faydalı olan beşinci məhsul kimi zeytun yağını göstərib. Onun sözlərinə görə, onun tərkibində nisbətən az omeqa-3 var, lakin o, başqa bir vacib komponentlə - omeqa-6 yağ turşuları ilə zəngindir.