Düyünü bişirdikdən bir gün sonra yeməyin FAYDALARI

Bəzi qidalar var ki, onları bişirdikdən bir gün sonra yedikdə daha dadlı olur. Yeni araşdırmaya görə, həmin qidalar bir gün qaldıqda dadlı olmaqla yanaşı həm də sağlamlığa fayda verirmiş.

Publika.az xəbər verir ki, düyü, kartof və ya makaron kimi qidalar bunlara aiddir.

Düyü, makaron və kartofu soyuducuda saxlamaq nişasta molekullarını yenidən təşkil edir və davamlı nişasta adlanan lif növü yaradır. Bağırsaqda sağlam bakteriyaları qidalandıran qısa zəncirli yağ turşuları meydana gətirmək üçün yoğun bağırsaqda parçalanır. Davamlı nişasta yavaş-yavaş həzm olunduğu üçün qan şəkərini balanslı şəkildə artırır. İnsulin səviyyələrini idarə edir və diabet riskini azaldır.

“Asia Pacific Journal of Clinical Nutrition”da 2015-ci ildə edilən bir araşdırmaya görə, bir gün müddətində saxlanılan düyü təzə bişmiş düyüdən 2,5 dəfə daha davamlı nişasta ehtiva edir.

Bəzi tədqiqatlar düyünü bu cür yeməyin diabet, çəki artımı və bəzi xərçənglərdən qorunmağa kömək edə biləcəyini göstərir. Həmçinin tərkibindəki lif sayəsində uzun müddət tox saxlayır, beləliklə də kalori qəbulunu azaldaraq çəkiyə nəzarət etməyə də kömək edir.

Roza