Xəstəlik məzuniyyəti götürün: Həkim qorxulu koronavirus proqnozu verdi

Rusiyada koronavirus infeksiyası və QRVİ-nin pik səviyyəsi əvvəlki mövsümlərdə olduğu kimi dekabrın ortalarında baş verəcək.

Publika.az xəbər verir ki, bu barədə immunoloq "Sputnik" radiosuna açıqlamasında bildirib.

Mütəxəssisin sözlərinə görə, bu xəstəliklərin yayılması ilə bağlı vəziyyət ilin sonuna kimi sabitləşəcək və Yeni il bayramlarında azalma gözlənilsə də, qısamüddətli olacaq.

“Sonra təxminən fevral ayında yenidən pik həddə yüksələcək. Ümumilikdə qrip və ARVI-nı birləşdirsəniz, onların tezliyi daha yüksəkdir, lakin COVID-19-a yoluxma halları da çoxdur”, - mütəxəssis qeyd edib.

Mütəxəssislərin fikrincə, indiki ölüm hadisələrini 2023-cü ilin rəqəmləri ilə müqayisə etmək olar.

"Lakin rəsmi olaraq elan edilənlə deyil, real olanla, çünki əksər hallar statistikaya daxil edilmir", - deyə həkim bildirib.

Özünüzü infeksiyadan qorumaq üçün immunoloq peyvənd etməyi, həmçinin tanımadığı insanlarla təmasları məhdudlaşdırmağı və ümumiyyətlə, təmasların intensivliyini azaltmağı tövsiyə edib.

Qrip və ARVI əlamətləri görünsə, mütəxəssis infeksiyanın yayılmasının qarşısını almaq üçün xəstəlik məzuniyyətini götürməyi və işə, məktəbə, uşaq bağçasına və digər yerlərdə görünməməyi tövsiyə edib.

Ekspert həmçinin maska geyinməyi, dezinfeksiyaedici vasitələrlərdən müntəzəm istifadə etməyi və mənzilləri havalandırmağı tövsiyə edib.

Adəm