Qocalmanı ləngidən qidalar

Fermentləşdirilmiş qidalar çox faydalıdır, onların müsbət təsirlərindən biri də qocalmanı yavaşlatmasıdır.

Publika.az "RİA Novosti"yə istinadən xəbər verir ki, bunu qastroenteroloq Lyudmila Suxorukova bildirib.

O qeyd edib ki, bu cür məhsullar çəkini nəzarətdə saxlamağa kömək edir. Mütəxəssisin sözlərinə görə, fermentasiya bir sıra maddələrin parçalanmasına və müvafiq olaraq həzmi yaxşılaşdırmağa kömək edir.

"Fermentasiya edilmiş qidaların sızanaqların görünüşünü azaldan və həmçinin dərinin qocalma prosesini ləngidən faydalı xüsusiyyətlərə malik olduğu sübut edilib", - deyə həkim bildirib.

O, həmçinin fermentasiya zamanı süd məhsullarında orqanizm üçün vacib olan probiotiklərin və prebiyotiklərin olduğunu xatırladıb. Birincilər mədə-bağırsaq xəstəlikləri üçün faydalıdır və ürək ağrısı, qəbizlik, ishal kimi simptomları aradan qaldırmağa kömək edir. Probiyotiklər də qaraciyərdən artıq yağları çıxarmağa və hətta artrit əlamətlərini azaltmağa kömək edir.

Suxorukovanın sözlərinə görə, laktik turşu məhsulları süni əlavələr, doldurucular və ya rəngləndiricilər olmadan probiyotiklərlə zəngindir. O əlavə edib ki, probiyotiklərin daimi istehlakı həzmə çox müsbət təsir edir, həmçinin immunitet sistemini gücləndirir və orqanizmdə enerji səviyyəsini artırır.

Adəm