İbn Sinanın çoxəsrlik sirri: bu qida yaddaşı gücləndirirmiş - FOTO

İbn Sinanın “Əl Qanun fit-Tıp” kitabında unutqanlıq probleminin aradan qaldırılması üçün təbii üsullardan hazırlanan müalicə metodları yer alır.

Publika.az xəbər verir ki, kitaba əsasən unutqanlığa yaxşı təsir edən ədviyyatlardan ən diqqətçəkəni sarıkökdür.

Sarıkök antioksidant tərkibi ilə yanaşı, kurkuminlə zəngindir. Kurkumin sarıkök bitkisinin köklərindən əldə edilən sarı bir komponentdir. Kurkuminin qan və beyin damarlarına nüfuz etdiyini və Alzheimer xəstəliyinə qarşı qorunma təmin etdiyini göstərən araşdırmalar var.

Təbii piqmentlər sayəsində qaragilə də beyin hüceyrələrini sərbəst radikalların pis təsirlərindən qoruyur və yaşa bağlı yaddaş itkisinin qarşısını alır. O, həmçinin beyin hüceyrələri arasında sinir ötürülməsini, öyrənmə və məlumat emal proseslərini gücləndirən flavonoidlərlə zəngindir.

Həmçinin kitabda bir çox problem üçün zəncəfil və zəfəran kimi ədviyyatlar da tövsiyə edilib.

Bunlarla yanaşı yumurta, balqabaq toxumları, brokkoli və yağlı balıq da unutqanlıq probleminə yaxşı təsir göstərən təbii vasitələrdəndir.

Roza