İnfarktın qarşısını almağın sadə yolu: 3-4 dəqiqə...

Dünyada təxminən 300 milyondan çox ürək xəstəsi var və 2 milyarddan çox insan ürək xəstəliyi riski altındadır.

Publika.az xəbər verir ki, ürək-damar xəstəlikləri hər il 18,6 milyondan çox insanın ölümünə səbəb olur.

Ürək-damar xəstəliklərindən ölənlərin üçdə biri 70 yaşdan aşağı insanlardır. Bu ölümlərin 85 faizi infarkt və insult nəticəsində baş verir.

Ürək-damar xəstəlikləri ən mühüm sağlamlıq problemlərindəndir. Türkiyə Səhiyyə Nazirliyinin məlumatına görə, 2021-ci ildə ölkədə ölümlərin 33,4 faizi qan dövranı sistemi xəstəliklərindən qaynaqlanıb. Bu o deməkdir ki, hər üç dəqiqədə təxminən bir nəfər ölür. Hər il təxminən 300 min insan infarkt keçirərkən, xərçəng səbəbiylə itkilər bu rəqəmin yarısını təşkil edir. Ürək-damar xəstəliklərindən ölümlərin 80 faizi tütün istifadəsi, qeyri-sağlam qidalanma, hərəkətsizlik kimi idarə oluna və qarşısı alına bilən risk faktorları ilə bağlıdır.

Həkim Güner Sönmez sosial şəbəkədə yeni araşdırmasının nəticələrini paylaşıb:

"Pilləkənləri qalxmaq və ya avtobusa çatmaq üçün qaçmaq kimi nəfəsinizi kəsən yüksək enerjili fəaliyyətlər infarkt riskini azaldır. Gündə yalnız 1,2 - 1,6 dəqiqə intensiv fiziki fəaliyyətlə məşğul olmaq lazımdır. Gündə orta hesabla 3-4 dəqiqə güclü fiziki fəaliyyət yerinə yetirildikdə infarkt keçirmə ehtimalı azalır”.

Aysel Şahmar