Sağlamlıq

Diabet eşitmə itkisinə səbəb olur?

8 Fevral 2025 17:20

Diabet xəstələri yüksək qan şəkərinə görə eşitmə itkisi riski ilə üzləşirlər. Daimi müayinələr və qan şəkərinin idarə edilməsi bu riski minimuma endirə bilər.

Publika.az xəbər verir ki, şəkərli diabet təkcə ürək və böyrək sağlamlığına deyil, həm də eşitməyə təsir edə bilər.

Araşdırmalara görə, şəkərli diabet xəstələrinin eşitmə itkisi riski iki dəfə çox olur. Bu vəziyyət xüsusilə daxili qulaqdakı sinirlərə və qan damarlarına zərər verən yüksək qan şəkəri ilə əlaqələndirilir.

Mütəxəssislərin fikrincə, qanda şəkərin daim yüksək olması həssas sinir hüceyrələrinə və daxili qulaqdakı qan axınına mənfi təsir edərək eşitmə qabiliyyətini poza bilər.

Bundan əlavə, diabetlə əlaqəli oksidləşdirici stress və iltihab da bu prosesi sürətləndirə bilər. Diabetik xəstələrdə ən çox görülən eşitmə itkisi növü sinir eşitmə itkisi (SNHL) kimi tanınır.

Aysel Şahmar