Ürək üçün ən yaxşı yeməklər: Həkim açıqladı

Qoz-fındıq, tərəvəz və yağsız ət ürək-damar xəstəliklərinin qarşısının alınması üçün ən yaxşı yeməklərdir.

Publika.az xəbər verir ki, bunu kardioloq Roy Cogiya "Daily Mirror"a deyib.

Həkim bildirib ki, ürək və qan damarları üçün faydalı olan qidalanma çox müxtəlif ola bilər. Onun fikrincə, ən yaxşısı Aralıq dənizi pəhrizinin tövsiyələrinə əməl etməkdir.

“Bu pəhriz pis xolesterolu azaltmağa və yaxşı xolesterolu artırmağa kömək edən mono doymamış yağlar və omeqa-3 yağ turşuları ilə zəngindir. Tərkibində həmçinin iltihabı və oksidləşdirici stressi azaldan antioksidantlar və bitki əsaslı polifenollar var”, - Cogiya bildirib.

Kardioloq qeyd edib ki, o özü də Aralıq dənizi pəhrizinə riayət etməyə çalışır, lakin bunu öz zövqünə uyğunlaşdırıb. Onun sözlərinə görə, səhər yeməyində təzə meyvə ilə qozlu müsli yeyir, naharda isə qarnirdə taxıl və rəngarəng tərəvəzlərlə yağsız ət yeyir. “Qəlyanaltılar üçün bir ovuc qoz-fındıq və ya meyvə kimi yüngül qəlyanaltılar yeyirəm. Axşam yeməyi, adətən ürəyə faydalı qidalardan, məsələn, bişmiş qızılbalıqdan və ya göyərti ilə mərciməkdən ibarətdir”, - deyə həkim yekunlaşdırıb.

Adəm