Çillər hansı halda xərçəngə işarədir? - Alimlər təhlükəli əlaməti açıqladı

Çillərin nə vaxt xərçəng riskinə işarə etdiyi açıqlanıb.

Publika.az xəbər verir ki, Perm Milli Tədqiqat Politexnik Universitetinin (PNRPU) alimləri hansı hallarda piqmentasiyanın xərçəng riskindən xəbər verdiyini izah ediblər.

Bildirilib ki, çil özlüyündə təhlükəli deyil, lakin onların çoxluğu dərinin həssaslığının artdığını və xərçəngin inkişaf riskini göstərə bilər. Hiperpiqmentasiya hormonal və ya antimikrobiyal dərmanlar kimi müəyyən vasitələrin qəbulu nəticəsində də yarana bilər.

Piqmentasiyanı azaltmaq üçün tərkibində ən azı 50 SPF olan günəşdən qoruyucu kremlərdən istifadə edilməlidir. Dərini yüngülləşdirmək üçün qlikolik, laktik, sitrik turşulardan və retinol da istifadə olunur.

Çillərdən narahat olanlar ağardıcı maddələrdən və peşəkar prosedurlardan istifadə edə bilirlər. Buraya kimyəvi pilinqlər, lazer terapiyası və IPL (intensiv impulslu işıq) daxildir. Ancaq bu cür üsullar ağırlaşmalara da səbəb ola bilər. Ona görə də çilli insanlar üz qulluğuna xüsusi əhəmiyyət verməli, heç bir vasitəyə peşəkarlarla məsləhətləşmədən müraciət etməməlidir.

Ləman