Yeməkdən əvvəl, yoxsa sonra? - Dişləri fırçalamağın düzgün vaxtı bəlli oldu

"Dişlərin səhər yeməyindən əvvəl, yoxsa sonra fırçalamalı" mübahisəsini alimlər nəhayət həll ediblər.

Publika.az "Daily Mail"ə istinadən xəbər verir ki, tanınmış diş pastası istehsalçısının mütəxəssislərinin fikrincə səhər yeməyindən əvvəl dişləri fırçalamaq daha yaxşıdır.

Gənc yaşlarımızdan bizə öyrədilir ki, diş əti xəstəliklərindən, çürüklərdən və diş çatlarından qorunmaq üçün gündə iki dəfə dişləri fırçalamaq həyati əhəmiyyət kəsb edir. Əksər insanlar yatmazdan əvvəl gündə ikinci dəfə dişlərini fırçalayırlar.

Mütəxəssislərin fikrincə, səhər yeməyindən əvvəl dişlərinizi fırçalamalısınız. "Oyandığınız zaman, gecə boyu ağzınızda bakteriyaların yığılmasını "səhər nəfəsinizdən" hiss edə bilərsiniz. Yeməkdən əvvəl dişlərinizi fırçalamaq bu bakteriyaları aradan qaldıracaq və tüpürcək istehsalını artıracaq, diş məcunundakı flüor isə dişlərinizin səthində qoruyucu bir maneə yaradacaq", - deyə diş pastası şirkəti izah edib.

Mütəxəssislər xəbərdarlıq edir ki, yemək yedikdən sonra dişlərinizi fırçalamaq xeyirdən çox zərər verə bilər. Bu, dişlərin daha da zədələnməsinə səbəb ola bilər. Bildirilir ki, əgər turşulu bir şey yemisinizsə, ən azı bir saat dişlərinizi fırçalamamalısınız. Portağal, qreypfrut və limon kimi tərkibində limon turşusu olan qidalar diş minasını zəiflədə bilər. Yeməkdən sonra dişlərinizi çox tez fırçalamaq artıq zəifləmiş minaya daha çox zərər verə bilər.

Mütəxəssislər yekun olaraq belə qənaətə gəliblər: "Oyandıqdan sonra dişlərinizi fırçalamaq səhər yeməyindən sonra daha yaxşıdır, çünki diş minanızı daha yaxşı qoruyur. Səhər yeməyindən sonra dişlərinizi fırçalamaq lazımdırsa, yeməkdən sonra 30-60 dəqiqə gözləyin. Səhər yeməyindən əvvəl və ya sonra dişlərinizi fırçalamağınızdan asılı olmayaraq, hər iki variant dişlərinizi heç fırçalamamaqdan daha yaxşıdır!"

Adəm