Sağlamlıq

Streslə mübarizə aparmağa kömək edən qidalar açıqlandı

24 May 2025 07:35

Stresli dövrdə hansı qidaların qida rasionuna daxil edilməli olduğu açıqlanıb.

Publika.az xəbər verir ki, dietoloq Roman Pristanski bu barədə "Radio 1"ə müsahibəsində danışıb.

O, kortizolun səviyyəsini azaltmaq üçün qırmızı ətə üstünlük verməyi tövsiyə edib. Həmçinin tərkibində B6 vitamini olan və maqneziumla zəngin qidalardan istifadə etməyi məsləhət görüb.

Onun sözlərinə görə, amin turşusu olan "L-theanine" də streslə mübarizə aparmağa kömək edir.

Dietoloq stresli zamanlarda şokoladın və digər şəkərli məhsulların enerji verdiyi ilə bağlı mifi isə dağıdıb. O, bunun əvəzinə qısa gəzintilərin, hətta cəmi 5-10 dəqiqəlik sürətli yerişin belə stresdən xilas edə biləcəyini vurğulayıb.

"Beyin iki saatdan çox bir işə diqqət yetirə bilmir, buna görə də fasilələrə ehtiyac duyur" - mütəxəssis bildirib.

O əlavə edib ki, stresli vəziyyətlərdə yeməkdən imtina etmək olmaz: "Qidanın təkcə fizioloji deyil, həm də psixoloji amili var".

Ləman