Ürək-damar xəstəliyinin gözlənilməz səbəbi üzə çıxdı: Qadınlarda...

Özlərini sosial statusda “aşağı” hesab edən qadınlarda gizli ürək-damar xəstəlikləri riski arta bilər.

Publika.az xəbər verir ki, bu barədə araşdırma aparan alimlərin fikirləri "Biopsychosocial Science and Medicine" jurnalında dərc olunub.

Tədqiqatda ürək xəstəliyi kliniki diaqnozu olmayan 443 insan iştirak edib. Elm adamları onların subyektiv sosial statuslarını (SSS) qiymətləndiriblər. Bir insanın sosial iyerarxiyada nə qədər yüksək və ya aşağı hiss etdiyini, həmçinin bunu ürək toxumasında iltihab və fibrozun göstəriciləri ilə müqayisə ediblər. Aşağı SSS olan qadınlar fibroz əlamətləri ilə daha aydın bir əlaqə göstəriblər (MRT-də T1 göstəricilərinin artması), kişilərdə isə belə bir asılılıq müşahidə edilməyib.

Bildirilir ki, hətta obyektiv tibbi simptomlar olmadıqda belə, subyektiv “sosial nizamsızlıq” hissi orqanizmdə gizli iltihabi prosesləri tətikləyə bilər. Bu, xüsusilə qadınlara aiddir ki, bu da ürək-damar xəstəliklərinin qarşısının alınmasında gender fərqlərinin nəzərə alınmasının zəruriliyini göstərir.

Adəm