Dəvə südünün faydalı təsirləri ÜZƏ ÇIXDI

Dəvə südü xəstəliyin əsas tətiklərindən biri olan toz gənələrinin yaratdığı allergik astmanın şiddətini azalda bilər.

Publika.az xəbər verir ki, bu barədə "PLOS One" jurnalında məlumat verilib.

Siçanlar üzərində aparılan təcrübədə onlar üç qrupa bölünüb. Birinciyə sağlam gəmiricilər, ikinci və üçüncülərə isə astma xəstəliyi olan heyvanlar daxildir. İkinci qrup həftədə beş dəfə 0,5 ml dəvə südü qəbul edib, üçüncü qrupdakı siçanlar isə onu içməyib.

Nəticələr göstərib ki, gəmiricilər süd qəbul etdikdə onların tənəffüs yollarının həssaslığı, iltihablar, allergik reaksiyalarla sıx əlaqədə olan immun hüceyrələri olan eozinofillərin sayı azalır. İmmunitet sisteminin digər komponentlərini idarə edən və iltihaba səbəb olan T-köməkçi hüceyrələrin (Th2 və Th17) aktivliyində də azalma müşahidə edilib.

Alimlər qeyd ediblər ki, dəvə südü sitokinlər və CCL17 kemokin də daxil olmaqla digər iltihab əleyhinə molekulların sayını azaltmağa kömək edib. Bu, məhsulun açıq bir immunomodulyator təsirini göstərir.

Müəlliflər vurğulayırlar ki, dəvə südünün tərkibində çoxlu faydalı komponentlər - zülallar, vitaminlər, antioksidantlar və immunoqlobulinlər var. Lakin onlardan hansının müalicəvi effekt verdiyi hələ məlum deyil. Bundan əlavə, tədqiqatda bir təsərrüfatdan alınan heyvanların südündən istifadə edilib və onun digər növlərlə (məsələn, inək südü) müqayisəsi aparılmayıb.

Tədqiqatın məhdudiyyətlərinə baxmayaraq, alimlər dəvə südünü allergik astmanın müalicəsində perspektivli köməkçi adlandırırlar. Toz allergenlərinə güclü həssaslığı olan xəstələrin orqanizminə necə təsir etdiyini öyrənmək üçün komanda insanlar üzərində əlavə təcrübələr keçirməyi planlaşdırır.

Adəm