Sağlamlıq

Səhər yeməyindən imtina edənləri gözləyən TƏHLÜKƏ

10 İyul 2025 06:16

Səhər yeməyindən imtina etməyin gözlənilməz təhlükəsi açıqlanıb.

Publika.az xəbər verir ki, səhər yeməyindən daimi olaraq imtina etmək azyaşlılarda və gənclərdə depressiya əlamətlərinin artmasına və diqqətin zəifləməsinə səbəb ola bilər.

Honq-Konqdan olan alimlər belə qənaətə gəliblər. Onların əldə etdiyi nəticələr "Frontiers in Psychiatry" jurnalında dərc olunub.

Tədqiqatda 3154 nəfər iştirak edib. Könüllülərin qidalanma vərdişlərinin təhlili göstərib ki, yeniyetmə və gənclərin təxminən 15%-i ümumiyyətlə səhər yeməyi yemir, 33%-i isə hər gün səhər yeməyi yeyir.

Səhər yeməyindən imtina etmək depressiya və narahatlıq əlamətlərinin artması, həmçinin sosial və akademik funksiyaların pisləşməsi ilə əlaqələndirilib. Müəlliflərin fikrincə, bu əlaqənin əsas səbəbi konsentrasiya qabiliyyətinin pisləşməsidir. Səhər yeməyi yeməyənlər bir işə fokuslanmaqda çətinlik çəkirlər.

Ləman