65 yaşdan yuxarı şəxslərin nəzərinə: Hər gün mütləq bunu edin

65 yaşdan yuxarı şəxslərə vacib xəbərdarlıq: Bu məhsulları hər gün qəbul edin

Türkiyəli mütəxəssislər 65 yaş və üzəri şəxslərə sağlam qocalma və immunitetin güclü saxlanması üçün gündəlik bəzi vacib məhsulların qəbulunu tövsiyə edir.

Publika.az “Hürriyet” qəzetinə istinadla xəbər verir ki, bu yaş qrupunda olan şəxslərin həm fiziki, həm də zehni sağlamlıqlarını qorumaq üçün düzgün qidalanma xüsusilə önəmli sayılır.

Gündəlik qəbul olunmalı əsas məhsullar:

Tərəvəz və meyvə: Gündə ən azı 5-7 porsiya təzə meyvə və tərəvəz istehlak edilməlidir. Bu, orqanizmi antioksidantlarla təmin edir və xəstəliklərə qarşı müqaviməti artırır.

Zülal mənbələri: Ət, yumurta, süd məhsulları, paxlalılar və qoz-fındıq kimi zülal mənbələri əzələ itkisini önləmək üçün mütəmadi qəbul edilməlidir.

Maye qəbuluna diqqət: Susuzluq hissi zəiflədiyi üçün 65 yaşdan yuxarı şəxslər gün ərzində mütləq 1,5-2,5 litr arası su, ayran və ya bitki çayları içməlidirlər.

D vitamininə nəzarət: Gündəlik günəş vannası və ya həkim məsləhəti ilə qəbul edilən D vitamini əlavələri sümük sağlamlığı üçün vacib sayılır.

Həkimlər xəbərdarlıq edirlər ki, düzgün və balanslı qidalanma yalnız sağlamlığı qorumaqla kifayətlənmir, həm də yaşlı insanların gündəlik həyat keyfiyyətini və müstəqil fəaliyyət qabiliyyətini artırır.