Beyin xərçənginin əlacı tapıldı

Uşaqlarda beyin xərçənginin səbəbi halqavari DNT nüvələrindəki xromosomların ətrafındakı "onkogenlər" adlanan xərçəng genləri ilə bağlıdır.

Publika.az Teleqraf-a istinadla xəbər verir ki, neyroblastomanın müalicəsində sıçrayış edə biləcək yeni araşdırma nəticələri dərc olunub.

Neyroblastoma kimyaterapiya ilə müalicə olunsa da, lakin bir neçə ildən sonra residivlər baş verir.

Yeni araşdırmalar nəticəsində məlum olub ki, bunun səbəbi bəzi şiş hüceyrələrinin "donma" vəziyyətinə keçməsidir. Bu "donmuş" hüceyrələrə kimyaterapiya təsir etmədiyi üçün onlar bir neçə ildən sonra aktivləşir və yenidən xərçəng xəstəliyinin inkişafına səbəb olur.

Tədqiqat müəllifləri qeyd edib ki, DNT-nin genomik analizlərini hipoteza əsaslanan funksional təcrübələr və yüksək məhsuldarlıqlı dərman skrininqi ilə birləşdirərək bu "donmuş" şiş hüceyrələrinin inkişafını dayandıracaq dərman birləşmələri kəşf edilə bilər. Bu isə uşaqlarda xərçəngdən ölüm səbəbini ciddi dərəcədə aşağı salacaq.