Günə müsbət əhvalla başlamağın sirləri: Həkim məsləhəti

Əgər kimsə müntəzəm olaraq özünü istirahətdən məhrum edərsə, heç bir səhər ritualı ona gün ərzində lazımi enerjini verməyəcək.

Publika.az xəbər verir ki, bu barədə “Moskva 24” telekanalına terapevt və psixoloq Marina Astafiyeva danışıb.

Mütəxəssisin fikrincə, yatmağa orta hesabla ən azı səkkiz saat vaxt ayırmaq lazımdır. Bədənin sağlamlığının yeganə yolu budur. Keyfiyyətli istirahət yalnız emosional vəziyyətə deyil, həm də həzm sisteminin işinə təsir göstərir.

"Məhz yuxu zamanı beyin gün ərzində aldığı bütün məlumatları emal edir. Pis şeylər yox olur, yaxşı şeylər isə aktivləşir. Bu zaman isə ağıla maraqlı fikirlər gəlir, beyin problemlərin həlli yollarını tapır", - deyə mütəxəssis bildirib.

Psixoloq səhər rejiminin ikinci məcburi elementi kimi səhər yeməyinə diqqət etməyin vacib olduğunu deyib. Günün ilk yeməyi qidalandırıcı, lakin yüngül olmalıdır. Menyuda zülallar və karbohidratlar olmalı, şəkərə isə çox az yer verilməlidir. Bunun üçün sıyıq və ya taxıl çörəyi ən yaxşı seçim ola bilər. Tərəvəz və ya az miqdarda kərə yağı ilə sendviç hazırlamaq əla seçimdir.

Mütəxəssis səhərlər şişkinliyə səbəb ola biləcək qidalardan, məsələn, paxlalılar və ya yüksək kalorili bişmiş məhsullardan uzaq durmağı məsləhət görüb.

Adəm