Hər giləsi sağlamlıq bəxş edən MÖCÜZƏ - Prostatdan xərçəngə kimi...

"Bruznikanın (ayıüzümü) prostatit zamanı tövsiyə olunmasının səbəbi onun iltihabəleyhinə və mikrobəleyhinə xüsusiyyətləridir".

Publika.az xəbər verir ki, bunu Piroqov Universitetinin Klinik Tibb İnstitutunun poliklinik terapiya kafedrasının assistenti Ulyana Maxova "Gazeta"ya bildirib.

“Əvvəlcə qeyd etmək lazımdır ki, bruznika böyrək xəstəlikləri olan insanlar üçün faydalıdır, çünki güclü iltihabəleyhinə və antimikrob təsirə malikdir. O, prostatit zamanı da kömək edə bilər. Bundan əlavə, bu meyvə aşağı turşuluqlu qastrit zamanı da faydalıdır. Ümumilikdə, bruznika istənilən iltihabi proseslərdə, o cümlədən kəskin respirator virus infeksiyalarında (KRVİ) effektivdir,” — deyə mütəxəssis izah edib.

Maxovanın sözlərinə görə, bruznika tərkibində C vitamini, karotin, dəmir və mis, eləcə də taninlər, flavonoidlər və metilarbutin kimi maddələr çoxdur.

“C vitamini immun sistemini gücləndirir və KRVİ ilə yanaşı digər iltihabi xəstəliklərdən qoruyur. Arbutin sidikqovucu təsirə malikdir, bu da sidik ifrazı sisteminin fəaliyyətinə müsbət təsir göstərir və böyrək infeksiyalarının əsas səbəbkarı olan Escherichia coli bakteriyasının çoxalmasının qarşısını alır. Dəmir və B qrupu vitaminləri qan keyfiyyətini yaxşılaşdırır və orqanizmin ümumi tonusunu dəstəkləyir. Karotin görmə qabiliyyətinin yaxşılaşmasına kömək edir. Bundan əlavə, bruznika xərçəng xəstəliklərinin inkişaf riskini azalda bilən antioksidantlarla zəngindir”, - deyə mütəxəssis vurğulayıb.

Hüseyn İbadlı