Koronavirusun kişilərə vurduğu zərbə: Gələcək övladlarının...

Alimlər ilk dəfə sübut ediblər ki, kişinin COVID-19 infeksiyasına yoluxması onun gələcək övladlarının psixi sağlamlığına təsir göstərə bilər.

Publika.az xəbər verir ki, bu barədə “Cell Reports Medicine” jurnalında dərc olunan araşdırmada qeyd edilib.

Tədqiqat zamanı məlum olub ki, SARS-CoV-2 virusundan sağalmış erkək siçanların nəslində narahatlıq əlamətləri və beyin funksiyalarında dəyişikliklər müşahidə olunub.

Alimlər virusun spermadakı RNT-nin strukturuna, xüsusilə də genlərin tənzimlənməsində rol oynayan kodlaşdırıcı olmayan kiçik RNT-lərə təsir etdiyini müəyyənləşdiriblər. Onlar bu dəyişmiş molekulları süni şəkildə mayalanmış yumurtalara daxil etdikdə, alınan nəslin davranış xüsusiyyətləri yoluxmuş erkəklərdən doğulan siçanların davranışına bənzəyib.

Mütəxəssislərin fikrincə, nəticələr COVID-19 infeksiyasının gələcək nəsillərə ötürülə bilən epigenetik təsirlər yarada biləcəyini göstərir. Alimlər indi oxşar dəyişikliklərin koronavirusdan sağalmış insanlarda müşahidə olunub-olunmadığını və bu təsirlərin nə qədər davam etdiyini müəyyənləşdirməyi planlaşdırırlar.

Adəm