Yaddaş itkisinin indiyədək bilinməyən səbəbi məlum oldu

Depressiya sosial təcrid vasitəsilə yaddaşı və koqnitiv zəifləməni sürətləndirə bilər.

Publika.az "Journal of Affective Disorders"ə istinadən xəbər verir ki, bunu Çin alimləri aşkar ediblər. Araşdırma beş il ərzində aparılıb. Tədqiqatda doqquz mindən çox iştirakçının məlumatlarına əsaslanılıb.

Məlum olub ki, ağır depressiya əlamətləri olan insanlarda zaman keçdikcə uşaqlar, dostlar və qonşularla təmasda azalma, eləcə də sosial fəaliyyətlərdə iştirakın azalması ehtimalı daha yüksəkdir. Bu da öz növbəsində yaddaşın və konsentrasiyanın zəifləməsini proqnozlaşdırır. Müəlliflər hesab edirlər ki, təcrid depressiyanın koqnitiv funksiyaya ümumi təsirinin təxminən 3 faizini təşkil edir ki, bu da kiçik olsa da, qocalmış əhali üçün əhəmiyyətli təsir göstərir.

Müəlliflər qeyd edirlər ki, depressiya daxili resursları tükəndirən və sosial motivasiyanı azaldan xroniki stressor kimi çıxış edir. Onlar depressiv pozğunluqların müalicəsini sosial əlaqələri gücləndirməyə yönəlmiş proqramlarla birləşdirməyi tövsiyə edirlər. Onların fikrincə, belə tədbirlər zehni aydınlığı daha uzun müddət saxlamağa və demensiyanın inkişafının qarşısını almağa kömək edəcək.

Adəm