Sağlamlıq

Ürək xəstəliyi riskini azaltmağın sadə yolu

3 Fevral 2026 05:45

Ürək xəstəliyi riskini azaltmağın sadə yolu açıqlanıb.

Publika.az xəbər verir ki, bu barədə yüz yaşı keçənlərin həyat tərzini araşdıran "National Geographic" tədqiqatçısı Den Buettner danışıb.

Onun sözlərinə görə, 20 dəqiqəlik gündüz yuxusu ürək-damar xəstəlikləri riskini təxminən üçdə bir azalda bilər. Bu isə ömür uzunluğuna təsir edir.

O, həftədə bir neçə dəfə təxminən 20 dəqiqəlik qısa gündüz yuxularının ürək və qan damarlarına stressin əhəmiyyətli dərəcədə azalması ilə əlaqəli olduğunu göstərən tibbi tədqiqat məlumatlarına istinad edib. Həkimlər bu təsiri stress səviyyəsinin azalması və mərkəzi sinir sisteminin bərpası ilə əlaqələndirirlər.

Alim bildirir ki, nahardan sonra yuxu vərdişi 100 yaşa qədər yaşayan insanların faizinin yüksək olduğu ölkələrdə geniş yayılıb. Tədqiqatçı qeyd edib ki, uzunömürlülüyün əsasını məhz bu sadə vərdiş təşkil edir.

Ləman