Sosial

Həmyerlimiz avtomobil qiymətinə it aldı - FOTOLAR

6 Yanvar 2019 12:42

Türkiyənin “Habertürk” xəbər portalı Zonquldak vilayətində yetişdirilən Anadolu çoban itləri ilə bağlı reportaj hazırlayıb.

Publika.az xəbər verir ki, itlərin yetişdirilməsi ilə məşğul olan Zonquldak sakini, 40 yaşlı Emre Baykal hazırda 14 itinin olduğunu, onların vəzilərini isə satdığını deyib. o bildirib ki, ayağı üstə durduğu zaman insan boyunu keçən bu itlərə bütün Türkiyədə və onun hüdudlarından kənarda da böyük maraq var: “Əvvəlcə bir küçük aldıq. Nəsillərini artırmağa çalışırıq. Yaxın vaxtlarda birini Azərbaycana satdıq. Bu itlər ancaq ət və sıyıq yeməyi xoşlayır”.

E.Baykalın sözlərinə görə, yetişdirdiyi küçüklərin qiyməti 3500-5000 türk lirəsi arasındadır. Daha yaşlı dişi Anadolu çoban iti 5000-15000 lirəyə satılır. Erkəklərinin qiyməti isə 15000 lirədən başlayır.