Sosial
Soydaşımız Niderland mediasında Xocalıdan yazdı
Niderlandda yaşayan soydaşımız, Niderland Jurnalistlər Birliyinin üzvü, “Connect” təşkilatının sədri Vüqar Abbasovun Niderland mətbuatında Xocalı soyqırımı ilə bağlı növbəti yazısı gedib.
Bu barədə xəbəri diaspor üzrə araşdırmaçı jurnalist Elnur Eltürk verib.
Yazı “Gerçək bir cəhənnəm istisi” adlanır və soydaşımız yazısına belə başlayır: “Yazımı belə adlandırmağım təsadüfi deyil. İyirmi yeddi il öncə, soyuq bir qış günündə Xocalıda əsl cəhənnəm istisi var idi. 26 fevral 1992-ci ildə, havanın soyuq olmasına baxmayaraq, Azərbaycanın Xocalı şəhəri cəhənnəmi xatırladırdı. Erməni-Rus hərbi birləşmələri Xocalıda qırğın törətdilər. Bir gecənin içərisində 613 nəfər həyatını itirdi. Yüzlərlə insan evsiz – eşiksiz qaldı. Günahkarlar bəllidir və hər kəs də bunu bilir: Rus-erməni hərbi birləşmələri. Ancaq beynəlxalq İctimaiyyət buna səssiz qalıb. Biz Azərbaycanlılar bu hadisələri soyqırımı kimi dəyərləndiririk”.
Daha sonra Xocalı soyqırımı, bu hadisələrə gətirib çıxaran səbəblər barədə söhbət açan müəllif, Ermənistanın Azərbaycan torpaqlarını, Dağlıq Qarabağ və daha yeddi rayonu işğal etdiyini, Ermənistanın Azərbaycan torpaqlarını qeyd-şərtsiz azad etməsi barədə BMT-nin dörd qətnaməsinə (nömrələri göstərilməklə) məhəl qoymamasını xüsusi vurğulayıb.
Fransa prezidenti Makronun (Emmanuel Macron) “Erməni soyqırımı”nı Fransanın təqviminə anım günü kimi salacaqlarını deməsini, ancaq dünya siyasətçilərinin Xocalı hadisələrini görməzdən gəldiyini qeyd edən soydaşımız bunun düzgün olmamasına diqqət çəkib.
Vüqar Abbasov yazısına davam edərək yazıb: “Xocalı hadisələrinə diqqət verilməlidir. O zamandan iyirmi yeddi il keçməsinə baxmayaraq, Avropa siyasətçiləri, araşdırmaçıları, jurnalistləri bu məsələyə heç bir diqqət göstərmirlər. Baxmayaraq ki, bu sözügedən hadisə barədə kifayət qədər faktlar, şəkillər, video görüntülər, şahidlər var. Nə üçün Xocalı hadisələri soyqırım kimi tanınmamalıdır? Niyə dünya siyasətçiləri susurlar, bu barədə geniş zallarda, tv-lərdə danışmırlar?”
Sonda müəllif, Zori Balayanın, Davud Xeyriyanın (Daud Kheyriyan) öz kitablarında özlərinin, ermənilərin törətdikləri vəhşilikləri, qırğınları necə qələmə aldıqlarını onların öz sözləri ilə qeyd edib. Müəllif yazısını Azərbaycan xalqının gec-tez ədalətin qələbə çalacağına inandığını yazıb.
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY