Sosial

Bu müəssisədən 49 məhkum azad edildi - FOTO

3 Dekabr 2021 13:46

Penitensiar Xidmətin 17 saylı cəzaçəkmə müəssisəsindən amnistiya şamil edilən 49 nəfər azad edilib.

Publika.az xəbər verir ki, bunu Ədliyyə Nazirliyinin İnsan hüquqları və İctimaiyyətlə əlaqələr şöbəsinin rəisi Aynur Sabitova deyib.

O bildirib ki, bu müəssisədən 500-dən çox məhkuma Amnistiya Aktının icrasının tətbiq edilməsi nəzərdə tutulur: "Hazırda 15 məhkumun sənədləri prokurorluqdan müəssisəyə təqdim olunub və onlar azadlığa buraxılacaq. Digər məhkumların da sənədləri gün ərzində hazırlanacaq və onlar sərbəst buraxılacaq. Bu günə kimi 74 məhkum azad edilib".

Əli Abdullayev qeyd edib ki, Amnistiya Aktı ilə azadlığa buraxılan qardaşı oğlunu qarşılamağa gəlib: "Bizim üçün bu gündən gözəl gün ola bilməz. Məhkumlar öz ailələrinə qovuşurlar. Başda Ali Baş Komandan, Prezidentimiz çox sağ olsun, valideynlər adından Prezidentimizə minnətdarlığımızı bildirirəm. Hər kəsi təbrik edirəm".

Hacı Zeynalov