Sosial

Bu müəssisədən 14 məhkum azadlığa buraxıldı - FOTO

3 Dekabr 2021 14:20

Penitensiar Xidmətin 16 saylı cəzaçəkmə müəssisəsindən amnistiya şamil edilən 14 nəfər azad edilib.

Publika.az xəbər verir ki, bu barədə müəssisənin rəisi, ədliyyə polkovnik-leytenantı Şəfaət Abbasov deyib.

O bildirib ki, həmin şəxslərə Amnistiya Aktı tətbiq edilib və cəzalarının çəkilməmiş hissəsindən azad ediliblər: "Bu günə qədər 186 nəfər azad olunub. 3 il cəza alan 423 nəfərin cəzasından 6 ay azaldılacaq".

Məhkum Əli Muxtarov deyib ki, aliment ödəmədiyi üçün 1 il 7 ay həbs cəzasına məhkum olunub: "Bir il bir ay həbsdə yatdıqdan sonra bu gün sərbəst buraxıldım. Qismətimdə məhkum olunaraq həbsxana həyatı yaşamaq da var imiş. İstəməzdim ki, kimsə məhkumluq həyatı yaşasın. Hər şey azadlıqdadır, çox peşmanam".

Hacı Zeynalov