Sosial

Günel Əhmədovaya vəzifə verildi

1 Fevral 2023 16:48

Rəqəmsal İnkişaf və Nəqliyyat Nazirliyinin tabeliyində fəaliyyət göstərən İnformasiya Kommunikasiya Texnologiyaları Agentliyinə ictimaiyyətlə əlaqələr üzrə yeni menecer təyin olunub.

Publika.az xəbər verir ki, bu vəzifə Günel Əhmədovaya həvalə olunub

Qeyd edək ki, G. Əhmədova 1999-2005-ci illərdə Bakı Dövlət Universitetinin Jurnalistika fakültəsində bakalavr və magistr dərəcəsi üzrə təhsil alıb.
O, 2011-2012-ci illərdə London şəhərində yerləşən Vestminster Universitetinin (University of Westminster) Beynəlxalq əlaqələr və qlobal dəyişiklik üzrə magistr dərəcəsini əldə edib.

G. Əhmədova 2022-ci ilin əvvəlində Azərbaycan Energetika Nazirliyinin tabeliyindəki Enerji Məsələlərini Tənzimləmə Agentliyinin ictimaiyyətlə əlaqələr sektorunun müdiri vəzifəsini tərk etdikdən sonra Bakı Dövlət Universitetində pedaqoji fəaliyyətlə məşğul olub.