Prokurorluq binasından özünü atan Turalənin şok məktubu üzə çıxdı - FOTO/VİDEO

10:52

Mingəçevir şəhər Prokurorluğunda intihar etdiyi deyilən 32 yaşlı Turalə Aslanovanın mobil telefonunda yazdığı məktub üzə çıxıb.

Publika.az xəbər verir ki, bu barədə Globalinfo.az-a T.Aslanovanın valideynləri məlumat verib.

Həmin məktubda T.Aslanova onun ölümündə Quliyeva Kəmalə Bəylər qızı ilə Zaur Tarverdiyevin səbəbkar olduğunu yazıb.

Həmin məktubu təqdim edirik.

Məktubda yazılır:
Mənim özümü öldürməyimin səbəbkarı Quliyeva Kəmalə Bəylər qızı və Mingəçevir Prokurorluğunun əməkdaşı Zaur Tarverdiyevdir. Mən Daxili İşlər Nazirliyinə də, Baş Prokurorluğa da yazıb səbəblərini göndərmişəm. Cənab Prezident, Sizdən xahiş edirəm mənim ölüm hadisəm araşdırılsın və səbəbkarlara lazımi cəza verilsin! Səsimi hər yerə ötürməyə çalışdım, ancaq məni dinləyən olmadı. Günahsız yerə mənim həyatımı məhv etdilər. Kəmalə Quliyeva məni borclu vəziyyətə saldı. 1 milyon 237 min manat pulumu mənimsədi. Zaur Tarverdiyev məni prokurorluğa şikayət etmişəm deyə tutqu verdi. Səsimi heç kimə eşitdirə bilmirəm. Yalvarıram sizə, bu məsələni araşdırıb ədalətli qərar verəsiniz. Yalvarıram sizə. Bu mesajı skrin edib saxlayıram. Öz dilimdən olduğu saat düşsün deyə. Bunu yazan Aslanova Turalə Natiq qızıdır. Yazdığım saat: 19.07.2021-ci il, saat 17:24