“Azercell”in dəstəklədiyi məktəblilər qızıl medal qazandılar

“Azercell”in dəstəklədiyi məktəblilər “InfO(1)Cup” proqramlaşdırma müsabiqəsində medal qazanıblar.

Publika.az xəbər verir ki, onlar uğurla çıxış edərək 1 qızıl və 1 bürünc medal əldə ediblər.

9-18 fevral tarixlərində Rumıniya Respublikasında keçirilən yarış onlayn formatda baş tutub.

Yarışda 13 ölkədən 135 şagird iştirak edib.

Akademik Zərifə Əliyeva adına Liseyin 10-cu sinif şagirdi Ayxan Dəmirli qızıl medala, Bakı şəhəri Fizika, riyaziyyat və informatika təmayüllü liseyin 10-cu sinif şagirdi Raul Cəfərli bürünc medala layiq görülüblər.

Qeyd edək ki, bu, sözügedən yarışda məktəblilərin qazandığı ilk qızıl medaldır. İnformatika fənni üzrə beynəlxalq olimpiadalara milli komandaların hazırlıq prosesi 2017-ci ildən etibarən “Azercell Telekom” MMC-nin Elm və Təhsil Nazirliyi və Təhsil İnstitutu ilə əməkdaşlığı çərçivəsində həyata keçirilir.

Bu müddət ərzində məktəblilər müxtəlif beynəlxalq olimpiada və müsabiqələrdə uğurla çıxış edərək 4 qızıl, 16 gümüş və 40 bürünc olmaqla ümumilikdə 60 medal əldə ediblər.