Aktauda qan vermək istəyənlərin izdihamı: uzun növbə yarandı - VİDEO

Aktau şəhərinin sakinləri təyyarənin qəzaya uğraması nəticəsində xəsarət alanlar üçün bu gün də qan verməyə gediblər.

Publika.az xəbər verir ki, Aktau sakini Almaz Bekjanov Qan Mərkəzində yaralılar üçün qan vermək istəyənlərin növbəsini əks etdirən video yayımlayıb.

Oradakı şəxslərdən biri tez-tez qan verdiyini söyləyib. Faciədən sonra o da kənarda qalmamaq qərarına gəlib: “Bu gün səhər tezdən (dekabrın 26-da) işdən əvvəl növbəsiz tez şəkildə qan verəcəm deyə gəldim. Amma burada növbədəki insanların sayı durmadan artır. Onlar böyük böyük istəklə burada dayanıblar”.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb. Sağ qalan sərnişinlərdən 12 nəfər bu gün Azərbaycana gətiriləcək.

Akqabay